Skrifi hann undir hrynur allt 2011

Fyrirvarinn um málskotsrétt okkar verður að halda. Við getum svo sem þraukað með þessar greiðslur á þessu ári en fjárlögin 2011 eru mikið áhyggjuefni vegna allra skuldagreiðslna ríkisins það ár auk atvinnuleysistryggingasjóðs sem verður að öllu fjármagnaður af ríkinu og mun bætast ofan á allt annað.

Von mín er sú að við náum að fara með IceSave málið fyrir dóm og endanleg niðurstaða okkur í hag gæti fengist í síðasta lagi í byrjun næsta vetrar. 

Það er hvorki svigrúm fyrir meiri niðurskurð né skattahækkanir.

Meira að segja AGS þarf að skilja það en eftir að IceSave málið er um garð gengið kann vilji annarra til að aðstoða okkur að breytast.

AGS og IceSave verða því að vera úr sögunni og það helst ekki síðar en við lok næstu fjárlagagerðar. 

Annars verður hér til þjóðfélag sem sameinar það versta í bæði öfgafyllstu kapítalísku þjóðfélögum og 8. áratugar jafnaðarstefnu með sínum yfirgengilegu óréttlátu og kæfandi sköttum, nema að hér verða öll fyrirtækin komin í ríkiseigu líka. 

Gangi IceSave í gegn verður þjóðfélag okkar þegar á næsta ári samblanda af hver-borgar-fyrir-sig þjóðfélagi einsog í Bandaríkjunum og jafnvel Bretlandi og Hollandi og Svíþjóð og Noregi á áttunda áratug síðustu aldar og þjóðfélagi á borð við gamla Austur-Þýskaland. 

Ísbjörgin fela í sér slíka hættu.

Við verðum að ryðja þeim úr vegi. 

Forsetinn verður því að vísa frumvarpinu í dóm þjóðarinnar. 

 

Vilji þjóðarinnar hornsteinninn

Athugasemdir

[Birgitta Jónsdóttir, 1.1.2010 kl. 16:21]

heyr heyr

[Arnór Baldvinsson, 2.1.2010 kl. 00:40]

Sæll Árni,

Ég er ósammála þessari fyrirsögn.  Icesave er aðeins hluti, og tiltölulega lítill hluti, þeirra skuldasöfnunar sem ríkissjóður hefur þurft að takast á hendur vegna bankahrunsins.  Vissulega er þetta viðbót en að halda því fram að allt hrynji á Íslandi á næsta ári ef þessi lög verða samþykkt er að mínu mati ekki rökrétt.  Það hefur lítið heyrst um þá hundraða milljarða sem ríkið tók að láni til að bjarga seðlabankanum og fjármagna ríkisbankana.  Þó var í báðum tilfellum um hærri upphæð að ræða en líkur eru til að kröfur vegna IceSave verði.  Og hugsanlegt er að þrotabú Landsbankans geti jafnvel greitt meira en reiknað var með. 

Kveðja,

[Árni B. Steinarsson Norðfjörð, 2.1.2010 kl. 01:00]

Sæll Arnór

Þótt það kunni að vera regla í stærðfræði að tveir mínusar geri einn plús, gildir sú regla ekki í rökfræði, a.m.k. ekki í óformlegri rökfræði, þ.e. því sem kalla má dómgreind, gagnrýnin hugsun eða er í samræmi við hluthyggju. IceSave skuldirnar réttlæta ekki allan hinn vandann, heldur gera hann viðsjárverðri.

Það er einnig rangt að líta svo á að IceSave skuldbindingarnar séu aðeins lítill hluti skulda ríkisins. 

Gróft á litið virðast fjórir helstu skuldastöplar ríkisins vera álíka háir einsog þessi tala sem þú nefnir ber með sér. Það koma líka eignir á móti gjaldþroti seðlabankans og ríkisbankana, svo sem öll lán fólks hérlendis og FIH bankinn í Danmörku, heiti hann svo. Hitt er það að það er hvorki hægt að selja þann banka núna fremur en aðrar eignir. Einnig er súrt í broti fyrir það fyrirtæki (FIH bankann í Danmörku) að fást við fordóma og neikvæðni í okkar garð og hafa menn í Seðlabankanum tjáð mér það. Menn hafa samt sagt að eignir gamla Landsbankans séu stórlega ofmetnar og þess vegna verður þessi fjórði stærsti skuldadrösull okkar núna, mesti vandi áður en langt um líður. 

Kveðja

[Árni B. Steinarsson Norðfjörð, 2.1.2010 kl. 01:11]

Þessu tengt. Fyrst Seðlabankinn eyddi öllum þessum hundruðum milljarða til að hjálpa bönkunum í aðdraganda hrunsins, ættum við að fara í mál við bresk yfirvöld sem keyrðu bankann í þrot. Það yrði samt líklega ekki til neins þar sem íslensku bankarnir voru alveg gjörsamlega úti að aka og sama á við um íslensk stjórnvöld í þeim efnum. Það voru samt fleiri blekktir. Sænska ríkið eyddi líka alveg hrikalegum upphæðum í að bjarga Kaupþingi þar í landi, nákvæmlega degi eða tveimur fyrir hrun. Kannski eru aðrar hliðar á því máli. Hvað haldið þið?

[Árni B. Steinarsson Norðfjörð, 2.1.2010 kl. 01:56]

Já, Breska lögfræðistofan hvatti íslenska ríkið til að höfða mál gegn breska fjármálaeftirlitinu vegna falls Kaupþings. Um það voru allar þessar tafir og klúðursumræða í kringum Svavar Gests. Við eigum að standa fastar í fæturna út af því í IceSave málinu auk þess sem forsetinn ætti að ráða í teikn og samhengi atburðanna út frá því og líta svo á að verið væri að ráðleggja honum að skrifa ekki undir. Engu að síður verður að viðurkennast að lagaleg staða okkar í því máli kann að vera ekki pottþétt m.v. það sem fyrr er nefnt. Við ættum samt að láta reyna á þann rétt okkar og jafnvel tengja það falli Landsbankans. Það kann þó að skipta máli að Kaupþingsmenn greindu ekki íslenskum yfirvöldum frá peningaflutningum sínum né stöðu mála einsog hún var. Það hlýtur samt að vera svo með ríki einsog einstaklinga að þeir sem láta plata sig og svindla á sér verða jafnan að bera það tjón.