27.11.2008 | 04:19

Eldgos í Bláfjöllum - Ekki byggja í Hafnarfirði eða Árbæ. Byggja frekar í Mosfellsbæ.

Á einni útvarpsstöðinni voru raktar nokkrar frásagnir sjáenda sem virtust allir sjá fyrir sér að Hafnarfjörður fari meira og minna undir Hraun á næstu árum og stór svæði Reykjavíkur muni eyðast vegna mikils hrauns sem renna mun meðfram Elliðárnum.

Aðrar sýnir og berdreymi þessa fólks voru raktar eins og ein kona sem dreymdi fyrir Vestmannaeyjagosinu þrjár nætur í röð áður en það gaus og þegar hún vaknaði svo upp á gosdegi var hún ánægð því hún vissi að engan hafði sakað.

Hafa ber í huga að það er langt um liðið síðan þessir þrír eða fleiri sjáendur sáu þetta fyrir og þeir áttu það sammerkt að spá því að eftir Vestmannaeyjagosið myndi koma gos í Kröflu og Heklu og síðan Suðurlandsskjálftar. Einn maðurinn sá árið 2020 fyrir sér í sýn sinni og þá hafði allt Reykjanesið orðið illa úti og frásögn hans kom saman við lýsingar / spár hinna.

Hvort það hafi verið hann sem sagði að auk Hafnarfjarðar myndi m.a. Grindavík og stór svæði Reykjavíkur vera farin undir hraun.

Einnig nefndu sjáendurnir að land myndi sökkva í sæ og Seltjarnarnes og önnur láglengd svæði Reykjavíkur myndu þannig sökkva í sæ en á því var að skilja að landsumbrot gættu einnig hlut að máli.

Það er þess vegna ekkert vit í að byggja í Vatnsmýrinni.

Jarðrask var nefnt í því sambandi en menn verða að hafa í huga að vegna hnattrænar hlýnunar þá verða mikil flóð í náinni framtíð víða um heim og forsmekkurinn af því hefur reyndar komið fram.

Síðan eru verulegar líkur á því að ein eyjanna í Kanaríeyjaklasanum hrynji og því mun fylgja flóðbylgja sem ganga mun 15 til 20 kílómetra yfir sléttlendi á austurströnd Bandaríkjanna og jafnvel víðar. Það gæti gerst á morgun eða eftir allt að 10 þúsund ár eða ...

Það var sammerkt með öllum sjáendunum að Mosfellssveitin og Mosfellsdalurinn myndi sleppa og þangað myndi fólk flýja í stórum stíl.

Þess vegna er einungis vit í að byggja í Mosfellsbæ