Jóhanna er kóngur, barnasál sem langaði að leika Thatcher í einn dag

Skelfilegt að Jóhanna þurfti líka að tapa kjaftinum sínum svona hrikalega um helgina. Málið er að hún er ung-/barnasál og kóngur í kasti þjóns (Íslandsbók Mikaels) og líklega með píslarvætti sem aðalhindrun. Það skýrir þetta.

Hvernig getur hún síðan búist við að allir geti gengið í takt þegar jafn snúin mál og AGS og ísbjörgin eiga í hlut? Ég vil meina að menn hvorki geti né eigi að vera sammála eða samstíga í slíku og það sé því ekki hægt að ætlast til þess.

Vonandi fer ríkisstjórnin ekki frá núna þegar hún er byrjuð að vinna af viti svo bláa niðurskurðarvofan taki við, þ.e. Sjálfstæðisflokkur og Framsókn sem munu sjá til þess að innritunargjöldin í HÍ fari úr 50 000 í 300 000, innritunar- og daggjöldum verði sett á þá sem þurfa innlögn á sjúkrahús og lægri laun, námslán og bætur verði lækkuð og skattar hækkaðir en ríka fólkinu verði hlíft.

Ég hvet hins vegar Vg-liða til að taka kerlingunni ekki svona persónulega. A.m.k. á ég sem þjóðfélagsþegn úti í bæ ekki að þurfa að gjalda þess að ríkisstjórnin eigi líf sitt undir skötusel annars vegar og hins vegar hrokanum og drottnunargirninni í konu sem langaði að leika Möggu Thatcher í einn dag. 

 

 

VG ræðir ummæli forsætisráðherra