Bloggfærslur mánaðarins, desember 2008

Íslenskupakkarnir virka ekki fyrir 64 bita stýrikerfin.

Ég er með 64 bita Windows Vista. Ég hringdi í Microsoft á Íslandi og spurði þá að því hvort ég gæti sett upp íslenska viðmótið á stýrikerfinu og Office pakkanum en þeir tjáðu mér að hvorugt mynd i virka með 64 bita Windows Vista.

64 bita Windows Vista mun koma núna inn á markaðinn af fullum þunga. Rúmt ár er síðan Apple sendi frá sér 64 bita stýrikerfi. Nánast öll jaðartæki virka núna með 64 bita útgáfunni þótt oft þurfi að fara á heimasíðu framleiðandans til að ná í viðkomandi rekil.

64 bita útgáfan býður upp á mun meiri hraða, líka með 32 bita forritum. 32 bita stýrikerfi og þ.m.t. þær útgáfur Vista sem flestir nota leyfa einungis 4 GB minni þannig að 32 bita stýrikerfin verða brátt liðin tíð í nýjum tölvum - jafnvel innan eins til tveggja ára.

 


mbl.is Innan við fimmtungur velur íslensku
Tilkynna um óviðeigandi tengingu við frétt

Það á ekki að borða svínakjöt - Svínakjöt er óholt fyrir alla blóðflokka

Óhollusta svínakjöts felst ekki einungis í þessum þrávirku eiturefnum sem finna má í írskum svínum.

Gyðinga- og múslimatrúin bannar svínaát. Skv. blóðflokkamataræðinu eru slæm lektín í svínakjöti sem gera það óholt fyrir alla menn þ.e. alla blóðflokka mannsins. 

Helsti höfundur blóðflokkamataræðisins telur að gyðingar og fleiri þjóðflokkar hafi áttað sig á því að svínakjöt væri óholt og þaðan væri bannið komið. 

Það eru því ekki einungis tillitsleysi við múslima og gyðinga að bera svínakjöt á borð í mötuneytum landsins heldur eiga allir að sneyða hjá því.

Auk þess finnst mér nautakjöt og lambakjöt miklu betra á bragðið. Það er líka hollt kjöt fyrir a.m.k.

O -blóðflokkinn sem er algengasti blóðflokkurinn og alveg sérstaklega algengur á Íslandi.

 

 


mbl.is Eitur í írsku svínakjöti
Tilkynna um óviðeigandi tengingu við frétt

Andfélagslegur persónuleiki - Stríðsmaður á unga- /barnsskeiðinu með sjálfstortímingu sem aðalhindrun

Líklegt er að viðkomandi sé ung sál / barnasál, stríðsmaður með sjálfstortímingu sem aðalhindrun og mögulega með drottnunarmarkmið og í máttarhætti.

Svona er líklegt að viðkomandi sé einhvern veginn svona skv. mikaelfræðunum.  Bókin Transforming Your Dragons lýsir hvers kyns hegðunareinkennum sem einkenna hvert aldurskeið í endurholdgunarlegum skilningi. Unga sálin getur í rauninni bara sett sér reglur eins og að mega ekki vera reiður en síðan geta verið þættir sem eru öðrum ekki sýnilegir en gera vart við sig öðru hverju. Davíð Oddsson er dæmi um unga sál sem getur haft mjög ósýnilega miður jákvæða þætti. Í lok sömu bókar eru þessar þekktustu gerðir persónuleikatruflana tengdar mismunandi aðalhindrunum og andfélagslegur persónuleiki er flokkaður undir sjálfstortímingu. Annars lýsir sjálfstortíming á unga skeiðinu sér sem hratt og skammvinnt líf í eldlínunni; þrjóska á sama skeiði lýsir sér sem þægir gamlir strákar, m.ö.o. mafían.

Þannig að þessi bráði maður sem ók fullur og kýldi lögregluna hefur mögulega sjálfstortímingu og þrjósku sem aðalhindranir.

 


mbl.is Ráðist á lögreglumann
Tilkynna um óviðeigandi tengingu við frétt

Læknamafían kann sínar áróðursaðferðir - Hvers vegna lifa fuglar lengi?

Hvers vegna lifa fuglar lengi þrátt fyrir mjög hröð efnaskipti? Þeir framleiða eigin öflug andoxunarefni.

Þetta kom fram í heimildaþætti um öldrun sem sýndur var á RÚV fyrir nokkrum árum. RÚV sýnir ekki B - heimildaþætti þannig að það segir sitt.

Hitt kann að vera rétt að sindurefnakenningin sé mjög takmörkuð skýring á því hvað öldrun sé. Sjálfur hef ég aldrei talið að andoxunarefni skipti höfuðmáli til að koma í veg fyrir öldrun húðarinnar því húðin er undir stöðugu áreiti geislunar og mengunar alla ævi auk þess sem hún þynnist með aldrinum og því breyta andoxunarefni ekki.

Andoxunarefni hægja hins vegar á frumuskemmdum með því að draga úr oxun vefja í líkamanum og þar með frumu- og jafnvel erfðaefnaskemmdum því oxunin nær að skemma erfðaefnin líka og það skiptir máli þegar frumur líkamans endurnýja sig.

Menn geta ekki gert takmarkaða rannsókn á húðinni sem slíkri og alhæft út frá því um líkamann, öldrun og andoxunarefni.

Niðurstöður þessarar rannsóknar eru því enn takmarkaðri en sindurefnakenningin sem menn ætla sér að gagnrýna og hafa jafnvel slæman ásetning í því skyni. Á einhverju þurfa læknar og lyfjafyrirtækin annars að lifa á.

Þess vegna hefur hið öfluga andoxunarefni Amrit Kalash verið bannað hérlendis rétt fyrir aldamótin því  virkni þess var þvílík að skv. rannsóknum læknadeildar Ohio háskóla í BNA átti það efni að vera þúsund sinnum öflugra andoxunarefni en þusund milligrömm af C - vítamíni.

Einar Þorsteinn Ásgeirsson fjallaði í greinum sínum í Morgunblaðinu og í bók sinni Lífsspursmál um hliðstæð mál beggja vegna Atlantshafsins og það að lyfjaeftirlitin sem komið var á fót um miðja síðustu öld til að hafa hemil á lyfjafyrirtækjunum komust síðar undir járnhæl lækna- og lyfjaiðnaðarins. 

Í Evrópulöndum hefur mikið borið á því að lækna- og lyfjamafían hefur bannað eða takmarkað skammtastærðir náttúrulyfja og vítamína í nafni neitendaverndar þar sem skýringin hefur verið að það þjónaði engum tilgangi að taka inn  bætiefni og því væri það einungis peningasóun að kaupa slíkt.

Tilgangurinn er samt annar og sá að halda uppi læknum og lyfjaiðnaðinum.

 

 


mbl.is Andoxunarefni geri lítið gagn
Tilkynna um óviðeigandi tengingu við frétt

« Fyrri síða

Innskráning

Ath. Vinsamlegast kveikið á Javascript til að hefja innskráningu.

Hafðu samband