Þjónninn eða kóngurinn Jóhanna

Mig minnir að Íslandsbók Mikaels segi að Jóhanna sé kóngur í þjóns kasti einsog Þráinn Bertelsson líka og eru þau líklega einu kóngarnir á Alþingi sem eru í kasti þjóns en líklega eru þau einu kóngarnir þar. Það einkennir kónga sem eru gamlar sálir og jafnvel þroskaðar sálir að vera lausir við nísku. Kóngar á öllum sálarstigum bruðla hins vegar með fé.  Það má sko líka segja það um bæði Jóhönnu og Þráinn. 

Ekki er það betra hvað þjóninn varðar að maya (blekking / afl lífsblekkingarinnar) þjónsins felst m.a. í því að það sé rosalega mikilvægt að vera ´in control´ og ´being out of control is so terrible".

Það er því ekki að ástæðulausu að þjónninn hefur líka stundum verið kallaður þræll í mikaelfræðunum. 

Jóhanna og Þráinn eru því fyrirséð og úti í hött hvað þetta varðar. 

Jóhanna ræddi við Brown

Hermundur talnaspekingur og miðill búinn að útskýra hvers vegna Samfylkingin er svona hörð á að við samþykkjum IceSave

Hermundur segir að það sé búið að semja óformlega um flýtimeðferð Íslands í ESB og jafnvel með Evru og öllu og Bretar og Hollendingar muni gera allt til þess að koma okkur inn í ESB þegar við höfum samþykkt IceSave fyrir okkar leyti og meira að segja Alþjóðagjaldeyrissjóðurinn muni sjá til þess að við förum inn í ESB með flýtimeðferð.

Þjóðin verði ekki spurð álits á því hvort við förum inn í ESB.

Hann vill líka meina að ríkisstjórnin sé að springa og Jóhanna sé rosalega þreytt og á útleið en Steingrímur muni ekki þola að Össur verði forsætisráðherra. Líklegt sé samt að ráðherraembætti Össurar sé það síðasta. 

 

 

Icesave-samningur hvorki skýr né réttláttur

Rangt að hann hafi verið faðir strúktúralismans

Fyrst ber að hafa í huga að það eru til fleiri en einn strúktúralismi. Strúktúralismi í sálfræði er t.d. önnur og eldri stefna en strúktúralismi í hugvísindum sem þróaðist upp úr formstefnunni á millistríðsárunum og var ekki síst úrvinnsla á hugmyndum Saussure sem þá var látinn. Strúktúralismi hugvísindanna byrjaði í málvísindum með greiningu á formgerð í tvennt eða þrennt, t.d. voru málhljóð greind niður í aðgreinandi þætti og voru þau skilgreind eftir einkennum þar sem þau voru síðan merkt mínus og plús eftir því hvort þau hefðu tiltekna þætti eða ekki og skyld hljóð voru aðgreind þannig. Á þessum árum þróuðust hugtök á borð við hljóðanið, myndanið, orðasafnsmynd o.s.frv. þótt hér sé skammt í að minnast á Chomsky sem er nafn innan formgerðarmálfræði en hann var með hugmyndir á borð við baklæga gerð o.s.frv. Það minnir að sumu leyti á yfirfærslu strúktúralismans í bókmenntafræði og heimspeki sem var af mjög áþekkum toga og leið Strauss við beitingu á strúktúralisma málvísindanna innan mannfræðinnar. Þar litu menn svo á að maðurinn hugsaði í aðgreinandi þáttum sem skilgreinast af andstæðu sinni. Himnaríki getur t.d. ekki verið til fyrir fólki nema andstæða þess helvíti sé til og öfugt, sama með gott og illt o.s.frv. Hér skilgreinir hvert annað. Strauss nýtti sér þessar hugmyndir til að útskýra goðsagnir þar sem skipting norræns átrúnaðar í m.a. ása, vani og þursa með öllu tilheyrandi endurspeglaði slíka hugsun sem væri um leið endurspeglun á tvenndarhugsun, stéttarskiptingu o.fl. 

 

 

 

 

 

 

 

 

 

 

Lévi-Strauss látinn

Nostradamus spáði kjarnorkusprengjuárás á bandaríska borg

Engu að síður er líklega enn hægt að sigra Norður Kóreu með leifturárás án þess að norðurríkið komi vörnum við. Öfugt við mögulega árás á Íran munu ekki fylgja slíku stríði nein eftirmál. Suður Kórea mun einfaldlega taka við norðurríkinu og sameina það sjálfu sér.

Hvað Íran varðar er líklegt að Ísrael hefji bráðlega hernað gegn því og dragi Bandaríkin með sér og sigri Íran í stuttu en þungu stríði. 

Bráðum mun Evrópusambandið ná yfir alla Austur-Evrópu, Rússland, sameinaða Kóreu og Japan, þ.e. samfellt alla leið til Japan. Í kjölfarið fylgir síðan Kína, Tæland auk allra  bresku samveldislandana. Síðan gengur Bandaríkin í ESB og í kjölfarið öll önnur lönd, þar sem allir vilja komast inn á stóra markaðinn og losna við tollana.

Mikaelhópurinn segir að jörðin sé öll að komast undir eina stjórn. 

Ég er samt ekki að segja að Ísland og Sviss þurfi að vera með þeim fyrstu enda er þar um að ræða friðsöm ríki sem engum stafar hætta af.

 

 

Hóta að beita kjarnavopnum

Um U2

Það hafa verið útbreiddar hugmyndir um að áróður og list séu andstæður en U2 gefur slíkum kenningum langt nef þar sem þetta tvennt skemmir ekki fyrir hvort öðru hjá þeim heldur magnar fremur hvort annað upp. 

Í því liggja kannski sérkenni og vinsældir hljómsveitarinnar.

Öfugt við flestar trúarhljómsveitir sönglar U2 hvorki halelúja eða Jesús í öðru hverju orði og forðast allt stagl og einfalda, kreddufasta útleggingu. Lagið ,,One´´ er t.d. lýsandi fyrir kristna einhyggju sem er mun minna áberandi innan kristninnar og hefur alltaf verið. Sögupersónan séra Jóhann í Brekkukotsannál HKL er þó fulltrúi kristinnar einhyggju. Taóisminn kann stundum að þykja liggja nærri kristinni einhyggju enda er slík útlegging ekki út í hött. Sama má segja um guðspeki og búddisma en guðspekin kom annars vegar fram sem andóf gegn kristinni tvíhyggju og hins vegar sem stefna sem vildi velta fyrir sér, skoða og bera saman önnur trúarbrögð svo sem búddisma, taósima og hindúisma auk spíritisma, sálkönnunar og margt fleira. 

Út frá mikaelfræðunum séð virðist Bono vera mjög prestslegur en skv. einni bókinni mun hann vera sögumaður en í prestskasti og fimmta stigs þroskuð/ unglings sál, en fimmta skeið þroskaða skeiðsins gengur einmitt út á að vera svolítið út á við og skapa sér sérstöðu á jákvæðan hátt eins og Páll Óskar o.fl.  sem einnig munu vera fimmta stigs þroskuð sál.

 

U2 notuð í trúboði

Fiat hefur samt náð lengst í þróun díeselvélarinnar og BNAmenn eru með allt niðrum sig í umhverfismálum

Þótt ég viti það annars ekki dettur mér það í hug að það séu takmörk fyrir hlutfalli díeselbíla, hvað eldsneytið sjálft varðar, því fleira kemur til, m.a. framleiðslukostnaður díeselbíla sem er mun meiri en bensínbíla og sótagnamengun sem bætir gráu ofan á svart í stærstu borgum heimsins, t.d. Moskvu og Pétursborg, þar sem allir eru á nagladekkjum á veturna eins og hér, nema að þar er mannmergðin algjör en vindur enginn, ólíkt hérlendis.

Getur það einnig verið að við vinnslu hráolíu kemur út ákveðið magn ýmiskonar þungs eldsneytis svo sem smurolíu, svartolíu, og dieselolíu, síðan milliþungt eldsneyti, t.d. bensín og létt eldsneyti, svo sem þotueldsneyti og loks gas.

Hingað til hafa þotur notað þotueldsneyti, einkabílar bensín, og vinnuvélar, áætlunarbílar og vörubílar, og nú síðast um helmingur vesturevrópska einkabíla hafa notað díesel. 

Þarf ekki að vera jafnvægi þarna á milli til að allar afurðir hráolíunnar fái nýtist sem best?

Myndi það jafnvægi raskast skipti bandaríski einkabílaflotinn yfir á díeselolíu?

Er það kannski þess vegna sem Chrysler menn gefa lítið fyrir lausnir og áherslur Fiat?

Man ég rétt er Chrysler þegar kominn áleiðis í tvinnbílatækni og þarf því kannski ekki á Fiat að halda þess vegna.

Hvers vegna stafar þessi óánægja? Það kemur ekki fram í fréttinni sem nefnir bara...

 

Vilja að kaup á Chrysler verði stöðvuð

Rétt! Spámiðlar landsins hafa séð fyrir sér evru svo snemma sem á næsta ári

Frægur maður sem reyndar er með ástþórsheilkennið, þótt það sé ekki Ástþór sjálfur og er í miklu sambandi við bestu spámiðla landsins hefur tjáð sig um að þeir sjái fyrir sér evruupptöku svo snemma sem á næsta ári eða þar eftir þótt ég miði það fremur við orð Gunnlaugs Guðmundssonar stjörnuspekings á Útvarpi sögu frá því í haust.

Vilja upptöku evru í samvinnu við AGS

Rangt! Unga-/ barns- sálin getur í mesta lagi bara sett sér reglur

Hinrik áttundi var þriðja stigs ung-/barnssál eins og t.d. tveir aðrir þekktir og ekki ósvipaðir harðstjórar, Ivan Grimmi og Saddam Hussein.

Hinrik var lærdómsmaður í kasti konungs og með þessar dæmigerðu þorparahulur, drottnun sem markmið og græðgi sem aðalhindrun.

Allt þetta sýndi sig mjög skýrlega í honum og magnaði upp hvert annað, svo sem maya ungu sálarinnar og bæði lærdómsmannsins og konungsins sem og mínuspólar hlutverkanna beggja og hulnanna.

Hvað einkenni ungu-/barnssálarinnar varðar þá er þetta að lífið snúist um keppni og maður þurfi að vera betri en næsti maður; þeir sigri sem sýna hörku og óvægni í viðskiptum og samskiptum og ekki eigi að virða þá sem sýna vægð o.s.frv. Lærdómsmaðurinn á það til að vera sífellt þeóriserandi í samræmi við ríkjandi hugmyndafræði og þess vegna þurfti ekki meira til en andvanda fæddan son til að móðirin, drottningin átti að vera norn. Konungurinn í honum gaf honum síðan vægðarleysið, klókindin í notafærslunni á öðru fólki, og óbifanleikann en þetta eru bæði einkenni konunga og nokkuð sem ég hef sjálfur kynnst vel í fari þeirra enda mjög mikið af konungum á Íslandi samtímans. 

Hitt er síðan það að Georg Runni II fyrrverandi Bandaríkjaforseti, Davíð Oddsson, Halldór Ásgrímsson, Björn Ingi Hrafnsson, Guðlaugur Þór og Björn Bjarnason eru skv. mikaelfræðibókum og vísbendingum barnasálir á seinni stigum og ásýnd þeirra því mýkri og í takt við samtímann.

Hitt er það að unga-/ barnssálin getur bara sett sér reglur eins og t.d. það má ekki vera reiður en síðan eru þættir sem eru öðrum kannski ekki sýnilegir en gera vart við sig öðru hverju.

Það er meira að segja til í dæminu að slíkir einstaklingar séu rosalega pottþéttir og fágaðir á yfirborðinu þótt þar undir sé ekki neitt.

Hér má nefna framkomu Georgs Runna við Aron Pálma og hann sem hugmyndafræðing Guantanamo fangabúðanna og ótal margt fleira, atvikið þegar Davíð Oddsson rak starfskonuna á staðnum sem skaust í símann, Baugsmálin, aðferðir Binga við að plumma sér áfram í Framsókn sem fólust fyrst í að baktala alla í kringum sig eins og Guðjón Ólafa sem átti að vera hans besti vinur, rosalega góður drengur, en hrikalega umdeildur og með engan kjörþokka; aðferðir Binga og Gulla við að sækja sér fé og kaupa sig fram fyrir aðra. RE-málið. Ráðningin Á Eggerti Skúlasyni upp á 2,5 milljónir sem sendar voru almenningi en fólust samt í kennslu fjölmiðlablöffs fyrir Gulla og æðstu stjórnendur heilbrigðiskerfisins svo auka mætti falskan pólitískan sjarma Gulla með því að fela staðreyndir með óeinlægni og fjölmiðlaklækjum. 

 

 

 

 

 

Slysið breytti kónginum

Völva Vikunnar spáði að hann kæmist ekki á þing

"Frjálslyndi"flokkurinn á ekkert erindi við Reykvíkinga.

Sjálfsagt að flokkurinn hafi  tvo fulltrúa utan að landi til að röfla um sjávarútvegsmál. 

Annars hafa flestir spámiðlar og völvur spáð sprotaframboðunum illu gengi og það sem er sameiginlegt þeim spádómum er að sagan frá því fyrir tveimur árum mun endurtaka sig núna, þ.e. að sprotaframboðin komi engum manni inn og þar með Sturla sem er nafngreindur. 

Sjálfstæðisflokkurinn mun annars græða á litlu grasrótarframboðunum þar sem þau taka fylgi frá Vg og Samfylkingu.

Þannig styðja litlu framboðin helsta andstæðing sinn í pólitíkinni. 

Það gerðist fyrir tveimur árum.

Það mun endurtaka sig núna

 

Sturla vill 1.-2. sæti hjá Frjálslyndum í Reykjavík

Hvers vegna eru kollegar og eftirmenn oft alnafnar?

Frændi minn og alnafni tók við af honum. Alnafni - Tilviljun? Fleiri en einn Jón Sigurðsson hefur setið í stóli seðlabankastjóra.

Eins er oft svipuð hrynjandi í sömu dæmum. Fyrir mörgum árum kenndi Sveinn Skorri Höskuldsson íslenskar bókmenntir. Löngu síðar kenndi og kennir enn Sveinn Yngvi Egilsson. Hrynjandi nafnanna er ekki ósvipuð. Tilviljun?

Reyndar kenndi um tíma afar ólíkur maður Sveini Yngva, Jón Yngvi Jóhannsson, meira að segja sama áfanga.

Þótt nöfn, lengd þeirra og hrynjandi sé mjög lík hjá þessum þremur kollegum þá vil ég alls ekki meina að þessir tveir síðast nefndu séu líkir menn. Annar þeirra minnir helst á guðina tvo sem voru í heimsókn hjá organistanum í Atómstöðinni eftir HKL, án þess að ég útlisti það frekar hér sem ég á við. Hinn er allt öðruvísi.

Skv. talnaspekinni eru þetta ekki tilviljanir. Hver bókstafur hefur sína tölu og táknar ákveðin einkenni. Það kann einmitt að standa fyrir ákveðnum eiginleikum eins og að bókstafirnir í nafninu Sigurður Helgason standi bæði í sitt hvoru lagi og saman fyrir eiginleika frábærs fjármálamanns og forstjóra. Ingvar Helgason sem er nafn fyrirtækis og líklega samnefnds stofnanda og eiganda deilir ekki óáþekkri hrynjandi og kennd gagnvart þessum nöfnum. Það segir sína sögu.

Það má finna fullt af svona dæmum. 

Kannski lumið þið lesendur bloggsins á einhverjum?

 

 

 

Sigurður ruddi lággjaldaflugfélögum braut